Badhan:- Ciidamada Daraawiishta ee Puntland ee gobolka
Sanaag ee weliba ku sugan magaalada Badhan ayaa diyaar garow ugu jira soo
dhowaynta General C/Laahi Axmed Jaamac{ilkajir}, Ciidamadas oo uu
ukhudbadayey Col. Caydiid Axmed Nuur iyo Col. Axmed Jeni Taag iyagoo ku
sugan taliskooda ay ku leeyihiin magaalada Badhan.
Ciidamada ayaa waxay maalmihii lasoo dhaafey ka wadeen hawlo nabad
sugineed iyagoo ku gaaf wareegayey magaalada iyo inta u dhow dhow.
Sidaa awgeed ayaa waxaa ka baxay magaalada Badhan cutub ka mida ah
ciidamada Daraawiishta Puntland oo kormeer ku soo maray degaanada Hadaaftimo
iyo Yubbe oo si diiran loogu soo dhoweeyey.
Ciidamadaas oo ay hogaminayaan labada Cornayl ayaa waxaa ku weheliyey
kormeerkooda bahda saxafada Gobolka Sanaag oo warbixin ka soo diyaarinayey
hawlgalka ay wadeen ciidamada Daraawiishta Puntland ee Gobolka Sanaag.
Labada Cornayl oo waraysi siyeey bahda saxafada Gobolka Sanaag, ayaa
sheegay in ciidamadu socdaalo ay ku mareen jiidaha hore ee Gobolka Sanaag
Labada Cornayl ayaa sheegay in ay magaalooyin badan ay soo kormereen.
Waxaa intaa dheer in safarkoodii ku aadanaa magaalooyinka Hadaaftimon
iyo Yubbe laga soo diiwaan galiyey ciidamo cusub oo horleh oo loo
diyaarinayo iney ku biiraan ciidamada Generalka.
Cornaylada oo La shiray Odayaasha ku sugan dhamaan degmooyinkaas iyo
tulooyinka iyagoo kala shirey sidii loogu soo dhoweyn lahaa Generalka
Cabdulahi Axmed Jaamac [Ilko Jiir] isla markaana la isku raacay in heegan
loo galo soo dhoweynta.
Sidaa awgeed waxaa degmooyinkaas laga magcaabey Gudiyo soo dhoweeya
wefdiga iyo gudiyo qaban qaaboba.Mukhtaar Maakhir
Ismaaciil Yusuf
Bahda Saxaafada Sanaag
Gen. Cabdullahi Axmed Jaamac (Ilkajiir) ayaa weli ku sugan magaalada Xingalool