MAGAALADA HADAAFTIMO OO SI WAYN LOOGU SOO DHAWEEYAY MUSHARAX C/LAAHI
AXMED JAAMAC ILKAJIIR[ DAAWO SAWIRADA]
Hadaaftimo:- Wafti balaadhan oo uu hogaaminayo Gen- C/laahi Axmed Jaamac
Ilka Jiir ayaa soo gaadhay magaala dadwayne aad u fara badan ayaa waxay
isasa soo dhoobeen wadooyinka magaaalada Hadaaftimo kuwaasi oo ruxayay
Caleemo qoyan dadkaasi qaarkood waxay qaadayeen Heeso wadani ah, waxa
wax aad loola yaabo ahayd markii Araday yar yar oo reer Hadaaftimo ah ay
Gen-ka gudoonsiiyeen Kutubka Quraanka Kariimka ah.
Arnab iyo Maxamuud Xaaji Siciid oo ka mid ahaa gudiga soo dhawaynta
Magaalada Hadaaftimo ayaa waxay muujisay dadaal dheer iyada oo ay xusid
mudan tahay oo soo dhawayntaasi kaalin wayn ka qaatay Suldaanka Guud ee
Beesha Gobolka Suldaan Siciid Suldaan Cabdi Salaan oo waftigaasi si
diiran ugu soo dhaweeyay magaalada Hadaaftimo.
Cali Maxamuud Xaaji Dirir oo ka mid ah dadka deegaanka Carmale isla
markaan kaalin wayn ka qaatay soo dhawayntii waftigaasi iyada oo
magaalada Carmale lays oran karo waxay safka hore kaga jirtaa
magaalooyinka sida wayn looga soo dhaweeyay waftigaasi.
Waxa isna waftiga ka soo raacay magaalada Carmale ka mid ah Bide Cabdi
Shire Diiriye oo ka mid ah Gudiga soo dhawaynta magaalada Carmale.
Waftigaasi Gen-ku hogaaminayay ayaa waxay saaka ka soo boqoleen dhanka
magaalada Yubbe iyaga oo horay u soo maray magaalooyinka Dhahar, Buraan,
Ceelbuh iyo Xingalool, Shinbiraale, iyo magaalada Carmale oo iyana si
wayn looga soo dhaweeyay waftigaasi.
Jaamac Feyte/LaasqorayNet/
Hadaaftimo |
|
Gen. Cabdullahi Axmed Jaamac (Ilkajiir) ayaa weli ku sugan magaalada Xingalool
