Sidee lagu Soo dhaweeyey Gen. Cabdullaahi Axmed Jaamac "ilka-jiir" magaalada Dubai, ee dalka Imaaraadka Carabta...... Warbixin iyo Sawiro..

Dubai: Waxaa habeenkii jimcaha, ee taariikhdu ahayd 8-Aug-2008 ka dhacday magaalada Dubai, ee dalka Imaaraadka Carabta. Xafladii soo dhawaynta musharax General Abdillaahi Ahmad Jaamac (Ilka Jiir). Musharaxu, wuxuu ka midyahay raga xaga hore kaga jira, tartanka ama loolanka loogu jiro, doorashada madaxnimada maamul goboleed-ka Puntland. Xafladaasoo si heersare ah loosoo agaasimay. Ayaa waxaa kasoo qaybgalay dhamaan bulsha-waynta reer Puntland. Sida Issimada, Ganacsatada, Aqoonyahanada, haween-ka iyo ciyaalkaba.

Waxaa sida caadadu ahaan jirtay lagu furay aayadaha Quraan-ka ah iyo wacdi. Xafladan oo hadafkeedu ahaa Musharax General Ilka Jiir, inuu kalsooni siiyo shacabka iyo bulsha waynta reer Puntland, maadaama uu yahay musharax u tartamaya xilka madaxnimo ee maamul goboleedka Puntland. Ayaa waxaa xafladaas lagu sharfay inuu furo â€œBeel-Daaje Ali Faaraxâ€. Issimku wuxuu ka dhawaajiyey, isagoo ku hadlaya magaca Issimada dhamaan reer Puntland, inuu aad ugu faraxsanyahay guud ahaan, musharaxiinta reer Puntland. Wuxuu kaloo ku nuuxnuuxsaday. Dhamaan Issimadu inay taageerayaan nin walba oo xilkaas ku guulaysta. Talo ahaana wuxuu soo jeediyey, inay aad u fiicantahay in is bedel dhab ah la helo.

Waxaa sidoo kale hadalka lagusoo dhaweeyey. Musharax General Ilka Jiir. Musharaxu, wuxuu si kooban uga hadlay, qorshihiisa ku wajjahan, wuxuu u qabanayo shacabka reer Puntland. Wuxuuna sheegay, inuu ka bilaabi doono nabadgelyada iyo amniga. Isagoo hadalkiisa, halku dhag uga dhigay (Nabad baa naas la nuugo leh).

Wuxuu kaloo sheegay, inuu qorshihiisa wanaagsan, ku darayo maamul iyo nidaam hada jira. Kaasoo abaalkiisa ay leeyihiin raggii usoo halgamay 10-kii sanno ee maamulkani jiray. Musharaxa, mar xagga dhaqaalaha iyo qaabka awood qaybsiga, ee dhinaca haweenka ku aadan wax laga waydiiyey. Kaasoo ay waydiisay Marwo Fatxiya Xaaji Bashiir. Ayaa Musharaxu ugu jawaabay. Inuu wado, qorshe ku salaysan 4 qodob. Kaasoo ah.

(1) Kordhin ( Nabadgelyada )

(2) Kobcin (Dhaqaalaha )

(3) Korin (Shacabka iyo danyarta)

(4) Kaydin (Khayraadka Badda iyo Barriga)

Wuxuuna, qodobka dhaqaalaha ku saleeyey. Inuu si dhab ah, wax uga badalayo hanaanka dhaqaalaha, dawlad goboleed-ka Puntland. Isagoo kobcin iyo maarayn, aqoon dhaqaale ku salaysan ku samaynaya dhaqaalaha. Kaasoo dhamays tiri doona. Baahida qof kasta oo ah bulsha waynta maamul goboleed-ka Puntland. Waxaa kaloo Musharaxu ka dhawaajiyey. Puntland inay tahay geed wayn, oo Somali, dhamaanteed hadhsato. Wanaaga iyo horumarka Puntland inuu yahay mid Somali wada leedahay. Dhibka iyo dib u dhaca Puntland-na uu noqonayo mid saameeya Somali inteeda kale. Waxaa kaloo Xafladaas ka hadlay.

(1) Sheekh Bashiir

(2) Ganacsade Qaasim Ali Jaamac

(3) Eng Ahmad Caalin Ismail

(4) Dr Ali Ige

(5) Hassan Mohamad Salah (Hassan Somali)

(6) Xaaji Ali Belbel

(7) Abdi Qaadir Bidhiidh

(8) Abshir Muuse Cashuur

Waxaa qoray, Eng:- Ismail Mohamoud M Shire (Baashe)

Dhahar Radio

Quick List...