Puntlandfuture.com

|MISSION & VISION | ELECTORAL PLATFORM |BIOGRAPHY |

Fikrad:Feedback

HOME

ABOUT US

CAMPAIGN

BLOG

ISSUES

REGIONS

COMMUNITY

MULTIMEDIA

COLUMNS

DONATE

puntlandfuture.com

Gen. Cabdullahi A. Jaamac oo la shiray beelaha SSC

Xaflad Qado Sharaf Oo Aad loo soo agasimay Ayna So qabanqabiyeen Gudida jaaliyada SSC Ee Uk Oo Ay Kucasumeen Murashaxa General C/laahi Axmed Jaamac (Ilko-Jiir) oo kadhacday magaalada London.

Qado Sharafta kabacdi ayaa Musharaxa & qaar kamid ah Aqoonyahano iyo Waxgaradka SSC ay shir albaabadu uxiran yihiin kuyeesheen meel loosii habeeyay Musharaxa iyo Xubnihii lasocda.

Gudoomiyaha Jaaliyada SSC ee Uk Axmed Cali Askar iyo Xubno kamid ah gudida SSC ayaa soo dhaweeyay Mushaaxa Fariimo badana usii Dhiibay Figrado badana is dhaafsaden.

Kulankaas ayaa kusoo Gabagabobay Jawi Aad u wanaagsan is afgarad iyo Kaftan wanaagsan.

M.M.H.Shire

Saraakiil Sar Sare oo Soomaaliyeed oo u hambalyeynaysa Musharax Jen. Cabdulaahi Axmed Jaamac

Bismilaahi Raxmaani Raxiim

Waxaan aad iyo AAd ugu faraxnay una hambalyeyneynaa Gen.Abdullahi Ahmed Jamac "ILKA JIIR" oo ka mid ah musharraxiinta Madaxweynanimada Pntland.

Waxaa muuqata in dalka Soomaliya ay soo ifbaxayaan calaamado muujinaya horumarka iyo biseylka shacabka Soomaaliyeed,marba haddii aan arkeyno nin dorrada isa soo sharraxaya gartayna inkaarta dalka iyo dadkaba ku habsatay, markaas waa ay mudan tahay in tadxiya loo glo sida Ilka jiir,nasiib waxaa leh dadka Cabdullaahi axmad jaamac uu madaxda u noqin doono,walaala yaal waxaan idin leenahay fursaddaan ha ka luminnina soomaalida,dhammaanteena Ilka jiir waanu dooraneynaa si uu usoo cekiyo sharafka iyo midnimada soomaalida guud ahaan.

Ilka jiir magaca annaga ayaa u bixinnay,waa sarkaal aanu naqaanno dadnimada iyo dadwadidda uu caanka ku yahay waxaaba taas ka sii sidata waddanyadda ,soomaali jeceylka ku duugan duntiisa. Waanu u baahannahay guud ahaan shacabka soomaaliyeednan waa uu daneynayaa cid ka bixissa bahdalada haysata,waanu u baahannahay hoggaan nala sima caalamka,noona horseeda sidii aanu uga bixi lahayn qabiilka,caddaala darrida,jahliaga noona noqda shucaac la higsado,taasina waxay imaan kartaa marka hoggaanka dalka ay qabtaan ikhiyaar la mid ah Gen abdullahi Axmad Jaamac Ilko.

Shacbiga reer Puntlan walaalayaalaanu la dagaalno musuqa,qabiilka aanu hormarinno dalkayaga,soona ceshanno sharafkayagii,garbahana aanu isqabsanno oo aan dooranno dhallin yarada wax garadka ah waddaniyiinta ah fakkarkoodu bislaaday kuna soo dhaqmay dalalka wax qaddariya dadnimaduna wax ka tahay,janankanuuna ogaada waa horseed soomaaliyuna isugu mid tahay.

Haddi kale waxaanu ku jiri doonaa burburkan,mugdigan jahligan cudurradan,nin door dilkan,qabyaaladdan cidina aysaan wax kheyr ah ka keeneyn. mar labaad waxan u hambalyeyneynaa saaxiibkeen "ILKA JIIR" guulna waanu kuu rajeyneynaa.

Jen.Abdirahmaan warsame "CARRE"
Col.Maxamuud Kaahiye barre
Col.Ali Baashi mohamed hagi
Col.Husseen Salaad weheliye
Col.cumar cali Mohamed "cumar yare"

Faahfaahin ku saabsan xafladdii Toronto [Daawo sawirrada]

[ Daawo sawirradii xafladda Toronto/PowerPoint...]

Toronto, Canada:June 21, 2008 - Waxaa magaalada Toronto lagu qabtay xaflad si heersare ah oo loo soo abaabulay oo loo sameeyey Janaraal Cabdillahi Axmed Jama (ilkajiir) oo ah musharax u taagan madaxtinimada maamul goboleedka Puntland. Xafladan waxaa kasoo qayb galay dad aad u fara badan oo ka tirsan dhamaan bulshada Soomaaliyeed ee ku nool waqooyiga America. Waxaa halkaas ka hadlay dad isugu jira madaxdii hore ee Xooga Dalka Soomaaliyeed (XDS) oo ay ka mid ahaayeen Cabdirashiid Shiikh Ciise iyo Axmed Siciid, waxaa kale oo xaflada ka hadlay waxgaradka reer Toronto rag iyo dumar.

Ugu horeyn waxaa khudbad dheer halkaa ka akhriyey Ducaale X. Cilmi oo ka Hadley dhibaatada ku dhacdey ummada Soomaaliyeed meelkasta oo ay joogaanba. Sidoo kale Cabdiraxman Xaaji Nuur (Shagaxle) ayaa isaguna ka hadley heerka ay marayso Soomaalinimadii iyo dhibaatooyinka ku habsaday umada Soomaaliyeed. Abdirashiid Shiikh Ciise oo ah Janaraal Cabdillahi saaxiibkiis oo ay hore uga wada tirsanaan jireen xooga dalka Soomaaliyeed isla markaana ay hore usoo wada shaqeeyeen ayaa wuxuu aad uga hadlay taariikhda Janaraal Ilkajiir iyo waxqabadkiisii.

Waxaa kale oo isna hadalo qiimo leh xaflada ka jeediyey Naasir Cabdi Baale oo ka mid ah odayaasha Soomaaliyeed ee ku nool magaalda Toronoto, sidoo kale hooyo Asli Mohamed ayaa halkaas hadal aad loola dhacay ka jeedisay xaflada iyadoo ku hadlaysay magaca dumarka Soomaaliyeed ee Toronto.

Waxaa kale oo xaflada hadal qiira leh ka jeediyey Cabdifataax Marayare oo ka mid ah dhalinyarada aadka u firfircoon ee reer Toronto, Cabdifataax wuxuu halkaas kasoo jeediyey talooyin ku saabsan in uu Janaraal Cabdillahi wax ka qabto dhibaatada haysata danyarta Soomaaliyeed sida agoonta iyo dumarka oo uu noqdo nabadside nabad ka dhex dhaliya dhamaan umada Soomaaliyeed.

Dhamaan dadka xaflada ka hadlay waxay ahaayeen dad aad u taageersan musharaxnimada Janaraal Cabdillahi, waxayna dhamaantood aad uga hadleen baahida loo qabo in isbedel deg deg ahi uu ka dhaco deegaanka maamul goboleedka Puntland oo sida lawada ogyahay beryahan danbe nabadgelyadiisu soo xumaaneysey.

Janaraal Cabdillahi oo isna xaflada ka hadlley ayaa waxuu ka balanqaadey dadkii xaflada isugu yimi in uu nabada ka shaqayn doono oo uu xoogga saari doono xasilloonida iyo kala danbeynta dadka ku nool maamul goboleedka Puntland. Janaraalku wuxuu ka codsaday dadka xaflada kasoo qaybgalay in ay kala shaqeeyaan nabadgelyada oo ay ku dhiiri geliyaan shacabka wadankii joogaa sidii ay u ilaalin lahaayeen nabadgelyada.

Ugu danbeyntii waxaa kale oo xaflada lagu soo bandhigay heeso iyo gabayo wadani ah. Abwaan Cabdillahi Legjar ayaa halkaa ka jeediyay gabay dheer oo uu kaga hadley nabada, waxaa kale oo heeso wadani ah xaflada ka qaaday fannaanadda weyn ee Faadumo Cali Nakruuma iyo fannaanka weyn Caruus ee reer Toronto.

[ Daawo sawirradii xafladda Toronto/PowerPoint...]

Jamal Maxamed Xasan, Toronto

Xaflad si heer sare ah loogu soo dhaweeyey Jan C/laahi Ahmed Jamac [Daawo]

Waxaa lagu qabtay magaalada Toronto ee wadankan Canada xaflad si heer sare ah loo soo agaasimay oo loo sameeyey Janaraaal Cabdillahi Axmed Jamaac (Ilkajiir) oo ah musharax u sharaxan madaxtinimada maamul goboleedka Puntland.
Xafladan oo ahayd mid ay kasoo qayb galeen dad aad u fara badan oo kakala socday qaybaha kala duwan ee bulshada Soomaaliyeed eek u dhaqan wadanka Canada iyo weliba Maraykanka.

Waxaa xafladaas ka hadlay saraakiishii hore ee Xooga Dalka Soomaaliyeed, Aqoonyahano, Culumaau'diin,Haween,Dhalinyaro, iyo dad kale oo fara badan oo dhamaantood aad u taageersanaa musharaxnimada Janaraal Cabdillahi iskuna wada raacay in maanta ay maamul goboleedka Puntland u baahan tahay isbedel deg deg ah oo wax looga qabto xaalada kala duwan ee iminka ka jira Puntland.

Jan C/laahi Ahmed Jamac oo isna ka hadlay xafaladaa ayaa u mahadceliyey dadkii ka soo qeyb galay xaflada wuxuuna u sheegey in isku duubni lagu gaari karo howl kasta oo la rabo in la qabo musharaxa ayaa sheegey in uu diyaar u yahay in u badbaadiyo dadka iyo degaanada Puntland.

Ugu danbayn xafladaa ayaa ahayd mid si fiican la isugu afgartay dadkii ka soo qeyb galay xaflada ayaa u sheegey musharaxa in ay diyaar u yihiin in ay la shaqeeyaan.

Zekeriye Wahaabi
Toronto Canada

Xaflad Toronto lagu qabtay oo si qiima leh loogu soo dhoweeyey Gen. Cabdullahi Axmed Jaamac

Waxaa caawa oo taariikhdu tahay 06/21/2008 lagu qabtay magaalada Toronto ee wadankan Canada xaflad si heer sare ah loo soo agaasimay oo loo sameeyey Janaraaal Cabdillahi Axmed Jamaac (Ilkajiir) oo ah musharax u sharaxan madaxtinimada maamul goboleedka Puntland. Xafladan oo ahayd mid ay kasoo qayb galeen dad aad u fara badan oo ka kala socday qaybaha kala duwan ee bulshada Soomaaliyeed ee ku dhaqan wadanka Canada iyo weliba Maraykanka.

Waxaa xafladaas ka hadlay saraakiishii hore ee Xooga Dalka Soomaaliyeed, aqoonyahano, culumaau'diin, dhalinyaro, iyo dad kale oo fara badan oo dhamaantood aad u taageersanaa musharaxnimada Janaraal Cabdillahi iskuna wada raacay in maanta ay maamul goboleedka Puntland u baahan tahay isbedel deg deg ah oo wax looga qabto xaaladaha kala duwan ee imminka ka jira Puntland.

Waxaanu goor dhow idiin soo gudbin doonaa hadaladii, iyo sawiradii faraha badnaa ee xafladda laga qaaday iyo warbixintii oo dhan.

Mahadsanidin,

Jamal

613-262-0999

Gen. Cabdullahi Axmed Jaamac oo Columbus si aada loogu soo dhoweeyey

Taabo halkan si aad u daawato sawirradii xafladda Columbus...

General Cabdullahi Jama (Ikajiir)

Columbus, Ohio: June 15, 2008 – Xaflad si wacan loo soo agaasimay oo lagu soo dhoweynayey musharraxa jagada madaxweynanimada Puntland Janaraal Cabdullahi Axmed Jaamac (Ilkajiir), ayaa ka dhacday magaalada Columbus ee gobolka Ohio ee dalka Maraykanka. Munaasabadda waxa ka soo qayb galay dhammaan qaybaha bulshada—masuuliyiin sarsare, odayaal, waxgarad, culimo, haween, iyo dhallin yaro intaba.

Generaal Maxamed Cali Shire oo shirka ka hadlay

Dadkii shirka ka hadlay waxa ka mid ahaa Janaraal Maxamed Cali Shire, Janaraal Maxamed Aadan Laangadhe, Janaraal Maxamed Xuseen Xiiray, Kornayl Axmed Deeq Gardaad, Ambaasadoor Cabdikarim Cumar iyo madax fara badan oo aan halkan lagu soo koobi karin. Waxa sidoo kale iyana talooyin wax ku ool ah ka soo jeediyey odayaasha dhaqanka iyo hoggaamiyayaasha jaaliyadaha Columbus.

Dadweynihii qaar ka mida

Guud ahaan jawiga shirku wuu ka duwanaa kuwii hore looga bartay magaaladan Columbus. Dadku waxay hor dhoobnaayeen wakhtigii shirka loo qoondeeyey ka hor, hoolka shirka. Taasi waxay keentay in shirka horayba loo furo. Qiiro waddaninnimo iyo is waanin tira dhaaftay ayaa shirku ku bilawday. Waxay dhammaanba dadkii halkaa isugu yimid u riyaaqeen isutaagidda Jagada Madaxweynenimada ee Puntland ee uu Janaraalku ku hawlan yahay. Dhiirri gelin xoog leh iyo taageero ayay musharraxa Janaraal Cabdullahi Axmed Jaamac u muujiyeen bulshada reer Columbus, waxayna ku taageereen go’aankiisa ku aaddan u tartanka jagadaas.

General Maxamed Aadan

Janaraal Maxamed Aadan oo isagu ku soo dhoweynayey musharraxa aaladda cod gudbinta, ayaa isagu si faahfaahsan uga sheekeeyey mansabka Janaraal Cabdullahi Ilkajiir ku lahaa Ciidammadii Xoogga Dalka Soomaaliya. Hadalladiisii waxa ka mid ahaa Jan. Maxamed Aadan, " Janaraal Cabdullahi aniga ayaa madax u ahaan jiray isagoo markaa dhallinyaraa. Wuxu Cabdullahi ka mid ahaa dhallintii ugu cadcadday Xooggii Dalka Soomaaliyeed, kana soo bixi jiray hawsha loo igmo. Cabdullahi waa wiilkaygii, waana ku garab taaganahay xilkan uu isu taagey ee qabashada hoggaanka Puntland ama tan Soomaaliya."

Musharraxa, murwadiisa (second from left) oo la sawiran haweenkii goobta yimi

Waxaa xusid mudan haweenka oo si gaara iyana wacdaro uga muujiyey goobta—dardaaran, duco, iyo buraanburro qiiro waddaninnimo ku dheehan tahay.

Kooxaha fannaaniinta ayaa iyana kaalin libaax ka qaatay. Waxay fannaaniintu soo bandhigeen heeso cusub oo dareenka qofka waddaniga ah kicinaya. Hees ka mida ayaa midheheeda waxa ka mid ahaa "derejiyo xildoonaha, doogga noo horseedaha, dadkeennu jecelyahay, noo doora waysagaa." Suugaan kala geddisan ayaa lagu soo bandhigay shirka oo ay ka mid ahaayeen maansooyin waddani ah iyo kuwo loogu bogaadinayo musharraxa.

Fadiilatu Sheekh Cabdulqaadir Rubeex

Gebagebadii shirka ayaa dadka loo furay inay musharraxa wixii su’aalo ah weydiiyaan. Wada sheekaysi iyo isdhexgal ayaa dhex maray wefdiga Janaraal Cabdullahi hoggaaminayey, masuuliyiintii kale iyo dadweynihii meesha isugu yimid. Ka dib, waxaa shirka gunaanaday salaaddiinta iyo culimada oo ka akhriyey ducooyin.

Taabo halkan si aad u daawato sawirradii xafladda Columbus...

Kala soco shabakadda http://www.puntlandfuture.com wixii ka soo kordha xogaha kale ee shirkaasi ku saabsan.

Tafatir,

Maxamud A. Abdalle

Puntlanders Welcomed General Abdullahi’s Presidential Bid
Minneapolis: General Abdullahi Ahmed Jama was enthusiastically received by thousands of Puntlanders and other Somalis hailing from throughout the North America and Europe. The huge reception was attended by over 500 cheering—clapping men and women, traditional leaders, former politicians, intellectuals, artists, community leaders, activists, students and ordinary supporters. Amongst the welcoming throngs was the former Puntland President the honorable Mohamed Abdi Hashi. PresidentHashi was once the head of United Somali Party and one of the key founders of the Puntland State. In his speech, he joined others to reiterate his disappointment with the current Puntland Administration, whileunderscoringthe importance of the upcoming elections.
They all expressed deep concern regarding proposed plans to prolong term for the incumbent president—Mr. Adde Muse, beyond the 2009 day specified for Puntland's presidentialelection contest.
All the speakers showed their enthusiastic support for Jama's candidacy. Former colleagues in the Somali National Armed Forces spoke of his unique leadership qualities andthe general'sextraordinary record of accomplishments. It was pointed out that, though a genuine national hero, Gen. Jama hadrefused to participate in the internecine wars of the so-called civil war that pitted sister Somali communities against one another, whilst many others fully participated in that bloody war. Many speakers spoke of his spotless record and dedication to the common weal. Similarly, about half-a-dozen Somali artists—both men and women—sang about and recited moving poetry about the timeliness of Gen. Jama's candidacy considering the dire need for good governance and his kind transformational leadership in Puntland and throughout Somalia.
The General spoke of his quest in simple but unyielding terms of dedication to principle and duty. He emphasized peace, cooperation and development as cornerstones of his campaign and leadership style.
Since the Memorial Day weekend events, the news of the General's candidacy has spread far and wide. Considerable pledges of support are reaching the General from many Puntlanders from the Home region as well as all corners of the world. These messages of support are being spearheaded by those jubilant supporters, who know him best.

Xaflad lagu shaaciyey musharraxnimada General Cabdullahi Axmed Jaamac

General Cabdullahi oo dadkii meesha isugu yimid la hadlaya

Xaflad si qurux badan loo soo agaasimay ayaa ka dhacday magaalada Miniapolis oo gobolka Minisota. Xafladdan oo dhacday 24-ka bisha May ee 2008, ayaa lagu shaaciyey si caam ah musharraxnimada General Cabdullahi Axmed Jaamac (ilkajiir), inuu u tartami doono jagada madaxweynanimada ee maammul goboleedka Puntland.

Dad fara badan oo isugu jira aqoonyahanno, culimo, waxgarad, haween iyo qaybaha kale ee bulshada ayaa ka soo qayb galay xafladdan. Dadkii meesha ka hadlay waxa ka mid ahaa Professor Abshir Awyuusuf, Jaamac Shire, Dr. Maxamuud Cali Geeldoon, Col. Maxamed Cabdi Qaac, Ibrahim Huruuse, Caaqil Caabbi Faarax Cali, Marwo Sahra Maxamed Xaaji, Jaamac Cumar Ismaaciil, Eng. Ismaaciil Maxamuud Cali Bayr, Ibraahim Cadduur iyo dad fara badan dad fara badan oo aan la soo koobi karin. Guud ahaan xafladdu waxay ku dhacday jawi wanaagsan, waxana aad loogu dheeraaday baahida loo loo qabo hoggaan cusub oo uu yeesho maammul goboleedka Puntland, ka dibna Soomaalida kale loo gudbo sidii xal waara loo gaadhi lahaa.

Mar uu la hadlayey Jananku dadka ayaa hadalladiisii waxa ka mid ahaa "anigu uma socdo uun Puntland, ee waxan rabaa inaan hawsha ka soo bilaabo halkaa. Hadafkaygu intaa waa ka qotodheer yahay, waxanna rabaa inaan Soomaali weyn isu keeno. Haddaan ku guulaysto inaan Puntland mideeyo, tan Soomaaliyeedna waa ku guulaysan doonaa." ayuu yiri Jananku.

Shir ku lammaan kan aan soo sheegnay ayaa dhici doona 25ka bisha May, shirkan ayaa waxa ka qayb qaadan doona dad badan oo Soomaaliyeed. Wixii ka soo kordha kala socda shabakaddan puntlandfuture.com iyo bogagga kale.

Mahmud Abdalle

Quick List...